ജീവിതത്തിലെ പുതിയ സന്തോഷത്തെ കുറിച്ച് ആരാധകരോട് പങ്കുവെച്ച് നടി ലെന. തന്റെ ഭർത്താവിന്റെ പുതിയ നേട്ടത്തെ കുറിച്ചാണ് ലെന തുറന്നു സംസാരിച്ചത്. ഇന്ത്യയുടെ ബഹിരാകാശ ദൗത്യമായ ഗഗൻയാനിന്റെ ഗ്രൂപ്പ് ക്യാപ്റ്റനായ പ്രശാന്തിനെയാണ് ലെന വിവാഹം ചെയ്തിരിക്കുന്നത്. ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് എയ്‌റോസ്പെയ്സ് എൻജിനീയറിങിൽ പ്രശാന്ത്, എംടെക് റിസർച്ച് കൊളോക്യം അവതരിപ്പിച്ച വാർത്തയാണ് ലെന ഇപ്പോൾ തന്റെ ആരാധകരുമായി പങ്കുവെച്ചിരിക്കുന്നത്.
ഇൻസ്റ്റിറ്റ്യൂട്ടിൽ സംസാരിക്കുന്ന പ്രശാന്തിന്റെ വീഡിയോയും ലെന ഷെയർ ചെയ്തിട്ടുണ്ട്. ലെനയുടെ പോസ്റ്റിന് താഴെ നിരവധി പേർ ആശംസകൾ അറിയിച്ചിട്ടുണ്ട്.
ജനുവരി 17-നായിരുന്നു ലെനയുടെ വിവാഹം. ബെംഗളൂരു മല്ലേശ്വരം ക്ഷേത്രത്തിൽ വെച്ചായിരുന്നു ഇരുവരും വിവാഹിതരായത്. സ്വകാര്യ ചടങ്ങായാണ് വിവാഹം നടന്നത്. വിവാഹത്തിന്റെ ചിത്രങ്ങളും ലെന പങ്കുവെച്ചിരുന്നു.