ചലച്ചിത്ര നടി മീരാ നന്ദൻ വിവാഹിതയായി. ഗുരുവായൂർ ക്ഷേത്രത്തിൽ വച്ചായിരുന്നു വിവാഹ ചടങ്ങുകൾ നടന്നത്. വിവാഹത്തിന്റെ ചിത്രങ്ങൾ മീര തന്റെ സാമൂഹ്യ മാദ്ധ്യമ അക്കൗണ്ടിലൂടെ പങ്കുവെച്ചു. താലികെട്ടിന്റെ ചിത്രങ്ങൾ മീര സമൂഹ മാധ്യമങ്ങളിലൂടെ പങ്കുവെച്ചിട്ടുണ്ട്. കുടുംബാംഗങ്ങളും അടുത്ത സുഹൃത്തുക്കളും വിവാഹത്തിൽ പങ്കുചേർന്നു.
ലണ്ടനിൽ അക്കൗണ്ടന്റായ ശ്രീജുവാണ് മീരയെ വിവാഹം ചെയ്തിരിക്കുന്നത്. അതേസമയം, മീരയുടെ ഹൽദിയുടെ ചിത്രങ്ങൾ എല്ലാം വൈറലായിരുന്നു. താരങ്ങൾ പങ്കെടുത്ത മെഹന്ദി ചടങ്ങിന്റെ വീഡിയോകളൂം ഫോട്ടോകളും സാമൂഹ്യ മാദ്ധ്യമങ്ങളിൽ ശ്രദ്ധ നേടിയിരുന്നു.
2024-06-29